“Орхон аймгийн бүтээн байгуулалт 2024” нээлттэй өдөрлөг энэ сарын 24-ний өдөр А.Амарын талбайд болно. 
Өдөрлөгөөр улсын болон орон нутгийн төсвийн хөрөнгө оруулалтаар хийгдэж байгаа хөрөнгө оруулалт, бүтээн байгуулалтын ажил, түүнийг гүйцэтгэгч ААН-үүдийг танилцуулах  зорилготой. Мөн барилга,  авто замын материал үйлдвэрлэгчид оролцож шинэ бүтээгдэхүүн, үйлчилгээний хэрэглээ, арга ач холбогдлын талаар мэдээлэл өгнө. 
Өдөрлөгийн зохион байгуулагчаар аймгийн ЗДТГ, Баян-Өндөр сумын ЗДТГ, Хотын захирагчийн алба, Газрын харилцаа барилга хот байгуулалтын газар,  Хот байгуулалт, барилга захиалагчийн алба ОНӨААТҮГ ажиллаж байна.

   Иргэд Та бүхэн өдөрлөгт оролцож бүтээн байгуулалтын ажлын мэдээ мэдээллийг нэг дороос авахаас гадна хөрөнгө оруулалтын ажлын талаарх санал хүсэлтээ илэрхийлэх боломжтой юм. 

Мэдээллийн төв