Монголын үйлдвэрчний эвлэлийн холбоо /МҮЭХ/ өнөөдөр /2025.03.14/ Дарамт хүчирхийллийн тухай 190 дүгээр конвенцод Монгол Улс нэгдэн орох уриалга гарган жагсаал зохион байгууллаа.

Хүний эрхийн үндэсний комиссоос 2016 онд Төрийн албан хаагчдын дунд хийсэн судалгаагаар ажлын байрны дарамт, бэлгийн дарамт зонхилж байгааг харуулсан байдаг.

Мөн Олон улсын хөдөлмөрийн байгууллага /ОУХБ/-тай хамтран эрүүл мэнд, орон сууц нийтийн аж ахуйн салбарын ажилтнуудыг хамруулан хийсэн судалгаагаар ажлын байрны дарамт гуравдагч этгээдээс ажилтнуудад ирж байгааг тогтоожээ.

МҮЭХ-ны Ерөнхий нарийн бичгийн дарга Х.Буянжаргал “ОУХБ 100 жилийн ойгоороо ажлын байрны дарамт, хүчирхийллийн тухай 190 дүгээр конвенцыг баталсан. МҮЭХ уг конвенцод нэгдэх урьтал нөхцөлүүдийг ханган ажиллаж байна. Эрүүл мэнд, эрчим хүч, уул уурхай, орон сууц нийтийн аж ахуй зэрэг салбарууд ч идэвхтэй ажиллаж буй.

Бид Улсын их хуралд энэхүү конвенцод нэгдэх уриалгыг хүргүүлж байна. Энэ хуулийг УИХ-д өргөн барьж, соёрхон баталснаар үндэсний хууль тогтоомжуудад өөрчлөлт орох юм” гэв.

ОУХБ-ын 190 дүгээр конвенцод хөдөлмөрийн хүрээн дэх хүчирхийлэл, дарамтыг