Н.Энхбат 2025 оны 06 дугаар сарын 27-ны өдөр "Жэм молл" (Gem mall) худалдааны төвд гэр бүлийн хамаарал бүхий харилцаатай хүн болох эхнэр З.М-тэй маргалдаж, улмаар хутгаар хохирогчийг гэмтээж, цочмог цус алдалтын шокт оруулж амь насыг нь хохироосон.

Прокуророос түүнийг онц харгис хэрцгийгээр, гэр бүлийн хүчирхийлэл үйлдэж хүнийг алсан гэмт хэрэгт холбогдуулан яллах дүгнэлт үйлдэж, хэргийг шүүхэд шилжүүлсэн юм.

Анхан шатны шүүхээс Н.Энхбатад бүх насаар нь хорих ял оноож, оногдуулсан бүх насаар хорих ялыг хаалттай хорих байгууллагад тусгаарлаж эдлүүлэхээр тогтоож, шүүгдэгч Н.Энхбатаас сэтгэцийн хохирол хор уршгийн зардалд 162,360,000 (нэг зуун жаран хоёр сая гурван зуун жаран мянга) төгрөгийг гаргуулж, амь хохирогчийн төрсөн хүүхэд Э.Д-д олгохоор шийдвэрлэсэн.

Н.Энхбат давж заалдсан бөгөөд Нийслэлийн Эрүүгийн хэргийн давж заалдах шатны шүүхээс анхан шатны шүүхийн шийтгэх тогтоолыг хэвээр үлдээж шийдвэрлэв.